اسرائیلی فوج جنوبی لبنان میں اسرائیلی شہریوں اور اسرائیلی فوج کے دستوں کے خلاف خطرات کو دور کرنے کے لیے کارروائی جاری رکھے ہوئے ہے۔ جنگ بندی کے فہم کے آغاز سے، دہشت گرد تنظیم حزب اللہ کے ایسے 220 سے زیادہ دہشت گردوں اور کمانڈروں کو ہلاک کر دیا گیا ہے جو اسرائیلی فوج کے دستوں اور ریاست اسرائیل کے شہریوں کے لیے خطرہ بنے ہوئے تھے۔ فضائیہ اور لڑاکا دستوں کی مشترکہ کارروائی کے ایک حصے کے طور پر، گزشتہ ہفتے کے دوران دہشت گرد تنظیم حزب اللہ کے 85 سے زائد دہشت گردوں کو ہلاک کیا گیا۔ کل (بدھ) ‘رضوان فورس’ یونٹ کے کمانڈر کی ہلاکت کے علاوہ، حملوں کے حصے کے طور پر دیگر اہم دہشت گرد بھی ہلاک کیے گئے، جن میں شامل ہیں: * محمد علی بزی – حالیہ برسوں میں نصر یونٹ کے انٹیلی جنس پلاٹون کے کمانڈر * حسین حسن رومانی – حزب اللہ میں فضائی دفاع کے ذمہ دار۔ یہ کمانڈر اسرائیلی فوج کے دستوں اور ریاست اسرائیل کے شہریوں کے خلاف دہشت گردانہ منصوبوں کو فروغ دینے اور انہیں عملی جامع پہنانے کے لیے سرگرم تھے۔ اس کے علاوہ، گزشتہ ہفتے کے آغاز سے لے کر اب تک حزب اللہ کے 180 سے زیادہ فوجی بنیادی ڈھانچے کو نشانہ بنایا گیا ہے، جن میں جنوبی لبنان بھر میں کمانڈ سینٹرز، اسلحہ خانے اور گولہ بارود سے لدے اور فائرنگ کے لیے تیار لانچرز شامل ہیں۔